لا طبنا ولا غدا الشر مع لجنة المسابقات بالاتحاد الكويتي لكرة القدم حتي مع تغير الاتحاد بقا الوضع على ماهو عليه من تخبط بالمسابقات !.. وهذا الجماهير متوسمه الخير بالاتحاد الانتقالي المعين من قبل الحكومة على أمل إصلاح اعوجاج الكرة الكويتية من وجهة نظرهم .. طالع الاتحاد المعين على رأي المثل اللي يقول جبتك ياعبدالمعين تعيني لقيتك ياعبدالمعين تبي من يعينك وياخذ بيدك ويقودك للسكه الصحيحه !.. واللي يقهر هو سكوت اغلب الأصوات التي كانت تعيب على لجنة المسابقات المنتخبة !.. معقولة يا اتحاد يامرضي عنه سبع مباريات بالدوري أسبوع ينلعبون بيومين والأسبوع الثاني كلها بيوم ؟.. مادري وين حنا عايشين بأوربا وإلا بأحد الدول الكبيرة مساحتا او تعدادا يا جماعة الخير الكويت كلها تلفها بنص ساعة والجماهير معروفه بالاسم !.. معقولة في احد عاقل يحط مثل هذا الجدول المزدحم ؟.. حنا لو مخلينا على طمام المرحوم الاتحاد المنقلب عليه (نحمله كل شي ) أبرك مليون مرة من اتحاد معين له كامل الصلاحيات ومدعوم من قبل الحكومة هذا من جهة !.. وأما من جهة ثانية وهذي ماهي عند احد اموت واعرف وين صارت بالدنيا مباراتين يلعبون بنفس الملعب ( نشتكي من الزراعه ) وراء بعض مابينهما الا ساعة زمن ؟.. هذا شي جديد استحدثته لجنة المسابقات الجديدة الله يعطيهم العافية ويقوي صبرهم علينا !.. لا ويبون يطورون الكرة الكويتية بهالقرارات !.. وعندهم أمل برجوعها للحضيرة الدولية اشلون مادري ؟.. وهم بأبسط شي فشلوا !.. ومن خلال هذه المقالة أطالبهم بمراجعة جدول مسابقات الدوري وإعادة برمجته دام حنا بأولها قبل لا يقتلون الكرة الكويتية ويمشون بجنازتها بروحهم وخصوصا وان الأعضاء المعينين من أهل الاختصاص يعني فاهمين كرة مو مثل اللي سبقوهم المتهمين بعدم فهمهم لقواعد اللعبة لانهم جو بالانتخابات المسيره وسلامتكم .
الاتحاد الانتقالي من أولها فشل !.
لا طبنا ولا غدا الشر مع لجنة المسابقات بالاتحاد الكويتي لكرة القدم حتي مع تغير الاتحاد بقا الوضع على ماهو عليه من تخبط بالمسابقات !.. وهذا الجماهير متوسمه الخير بالاتحاد الانتقالي المعين من قبل الحكومة على أمل إصلاح اعوجاج الكرة الكويتية من وجهة نظرهم .. طالع الاتحاد المعين على رأي المثل اللي يقول جبتك ياعبدالمعين تعيني لقيتك ياعبدالمعين تبي من يعينك وياخذ بيدك ويقودك للسكه الصحيحه !.. واللي يقهر هو سكوت اغلب الأصوات التي كانت تعيب على لجنة المسابقات المنتخبة !.. معقولة يا اتحاد يامرضي عنه سبع مباريات بالدوري أسبوع ينلعبون بيومين والأسبوع الثاني كلها بيوم ؟.. مادري وين حنا عايشين بأوربا وإلا بأحد الدول الكبيرة مساحتا او تعدادا يا جماعة الخير الكويت كلها تلفها بنص ساعة والجماهير معروفه بالاسم !.. معقولة في احد عاقل يحط مثل هذا الجدول المزدحم ؟.. حنا لو مخلينا على طمام المرحوم الاتحاد المنقلب عليه (نحمله كل شي ) أبرك مليون مرة من اتحاد معين له كامل الصلاحيات ومدعوم من قبل الحكومة هذا من جهة !.. وأما من جهة ثانية وهذي ماهي عند احد اموت واعرف وين صارت بالدنيا مباراتين يلعبون بنفس الملعب ( نشتكي من الزراعه ) وراء بعض مابينهما الا ساعة زمن ؟.. هذا شي جديد استحدثته لجنة المسابقات الجديدة الله يعطيهم العافية ويقوي صبرهم علينا !.. لا ويبون يطورون الكرة الكويتية بهالقرارات !.. وعندهم أمل برجوعها للحضيرة الدولية اشلون مادري ؟.. وهم بأبسط شي فشلوا !.. ومن خلال هذه المقالة أطالبهم بمراجعة جدول مسابقات الدوري وإعادة برمجته دام حنا بأولها قبل لا يقتلون الكرة الكويتية ويمشون بجنازتها بروحهم وخصوصا وان الأعضاء المعينين من أهل الاختصاص يعني فاهمين كرة مو مثل اللي سبقوهم المتهمين بعدم فهمهم لقواعد اللعبة لانهم جو بالانتخابات المسيره وسلامتكم .
