والله كفو يارجال بني قادس من لاعبين وإداريين ومشجعين وداعمين .. والله أنكم قول وفعل ورجال المهمات العسيرة بوقت الشدايد شباب قول وفعل لاهنتوا .. تعاهدوا بحسم موضوع الزعامة مع النادي العربي وكانوا على العهد والوعد وجابوا درع الدوري للمره السابعه عشر على الرغم من الظروف والمصاعب اللي واجهتكم من تغير مدربين وازمة رواتب محترفين .. وطناش إدارة بوقت الحاجه بعد ان أظهرت عدم المبالاة بالفريق ولاعبيه وخصوصا المحترفين بعد ان شالت أيدها من رواتبهم وتركت لهم حرية الانتقال لي اي نادي يرغب بهم .. وعلاوة على كل مامضي كانت المنافسة هالسنه غير كل سنه بعد دعم ادارات الأندية الجماهيرية لفرقها بالعدة والعتاد من محترفين ومدربين على مستوي عالي املا بتحقيق بطولة الدوري .. ولكن مثل ما قالو الاولين لا حجت حجابها ما للصلايب الا اَهلها بعد ان تكاتفوا رجال الأصفر كلن بموقعه على دعم الفريق وانتشاله من دوامت الخلافات وتكسير المجاديف الذي كان للأسف من بعض الصحف والاعلاميين ( هداهم الله ) وبعض القرارات التحكيمية املا بإبعاد القادسية عن منصات البطولات .. لكن لله الحمد خاب أملهم ورجاهم بتكاتف جميع القدساوية بالكويت وخارجها ضاربين اروع الامثله بعشق القادسية .. بيض الله وجيهكم كلن باسمه وموقعه بدعمكم للزعيم الملكي حاصد البطولات وكاوي القلوب بالنار .. وقبل الختام ارجو من الله ومن إدارة النادي اللي فرحت بهالانجاز بدعم الفريق والفرق الآخري بالنادي لأنهم يستاهلون الدعم .. واللي ماهو على استعداد بفتح صفحه جديدة يارب ياخذها من قاصرها ويترك المجال لغيره من اللي يحبون دعم الفريق بالغالي والنفيس بعيدا نظام الجاهية المعمول به حاليا من بعض الأعضاء وسلامتكم .
